Agnès Sorel
Agnès Sorel, ganet e penn kentañ ar XVvet kantved, er bloavezhioù 1420 moarvat, a oa mestrez ar roue gall Charlez VII a Vro-C'hall.
[kemmañ] He yaouankiz
N'eo ket sur an istorourien pelec'h e oa ganet. Darn a lavar e Fromenteau, e Touren, re all e Pikardi, e Coudun, e-tal Compiègne. Ac'haleno e oa he zad, Jean Soreau pe Jean Sorel, aotrou Coudun, hag he mamm, Catherine de Maignelais, itron Verneuil-en-Bourbonnais.
Pevar breur he doa. Charles Sorel, André Sorel, Jean Sorel ha Louis Sorel. Anavezout a reer ivez kerent all: Geoffroy Sorel, a voe eskob, ha Jean de Maignelais, kabiten Creil. Penaos e teuas merc'h Jean Soreau da vout Agnès Sorel ? Ha dimezet e voe da Regnaut de Sorel evel ma lavar Le Vasseur ? E Pikardi eo e voe desket mat. Savet e voe e doare ma c'hallje bezañ dimezell el lez gant Isabelle de Lorraine, rouanez Sikilia ha gwreg ar roue René, roue Naplez. N'eo ket abalamour d'an arc'hant e klaske war-lerc'h ar garg (dek lur he deveze bep bloaz evit he labour): abalamour d'he renk ha d'an erbedadennoù e oa da vezañ evel se.
[kemmañ] El lez
Yaouank ha koant evel ma oa ne voe ket pell ar roue Charlez VII o teurel e c'hoant warni. Ne oa ket istimet kaer ar roue, digened ha dispered, dibeadra ivez, mab d'ur roue foll (Charlez VI) ha da Izabel Bavaria, a veze gwelet evel ur roñflez, marteze abalamour ma n'halle ket ar roue ober war he zro.
[kemmañ] Lennadurezh
- Philippe Robert, Agnès Sorel, Hachette, Paris, 1983 (ISBN 2010075250)
- Françoise Kermina, Agnès Sorel : la première favorite, Perrin, Paris, 2005 (ISBN 226201843X)
- Georges Minois, Charles VII, Paris, 2005 (ISBN 2286018340)
- Jeanne Bourin, La Dame de beauté, Livre de Poche (n°6341), Paris, 1990 (ISBN 2253041696)
