Agaue

Ino hag Agave o tibezhiañ Penteos, golo ul lékanis, v. 450-425 kent. J.-K., mirdi al Louvre.

Agaue pe Agave (Ἀγαυή / Agauế e henc'hresianeg pe Agavi e gresianeg a-vremañ) a oa

• merc’h da Gadmos, roue Tebai, ha d'an doueez Harmonia,
• ha c'hoar da Aotonoe, Polidoros, Semele hag Ino.

Dimeziñ a reas da Ec’hion, ha genel a reas Penteos.

Pa oa bet lakaet Penteos da roue, edo an doue Dionisos o klask brudañ e lidoù e kêr Tebai, ha stourm outañ a rae ar roue.

Kastizet e voe Agaue gant Dionisos dre m’he devoa droukkomzet a-zivout Zeus, a oa dousig he c’hoar Semele.

Mont a reas foll, hag en he follentez e tibezhias he mab Penteos en-bev. An istor-se eo danvez pezh-c'hoari Euripides, Ar Bacchanted